UFC’нинг енгил вазн тоифасидаги чемпиони Ҳабиб Нурмагомедовнинг мураббийи Хавьер Мендес шогирдининг Жорж Сен-Пьерга қарши жанг ўтказиб, MMA’даги 30-ғалабасини қўлга киритишини хоҳламоқда. Ҳозир россиялик спортчининг ҳисобида 28 жанг ва 28 та ғалаба бор.
«Ҳабиб отаси ундан нимани хоҳласа, шуни қиларди. Энди эса у йўқ. У отаси орзу қилганидек, ўчмас из қолдириш ҳақида ўйлаши керак.
30-0 кўп марта муҳокама қилинган. Сен-Пьерга қарши кураш айнан 30-жанг бўлади. Агар бу жанг ташкил қилинса, мен ушбу жангда 30-0 ни кўришни истайман, Ҳабиб бунга тайёр», — дейди Хавьер Мендес.
Қайд этиш жоиз, Ҳабиб Нурмагомедов аввалроқ Жастин Гэтжидан сўнг айнан Жорж Сен-Пьер билан жанг қилмоқчилигини маълум қилганди.
Эслатиб ўтамиз, Жорж Сен-Пьер 2019 йилнинг февраль ойида расмий равишда MMA’даги фаолиятини якунлаган. Сен-Пьер умумий ҳисобда 28 та жанг ўтказиб, шулардан 26 тасида ғалаба (8 та нокаут) қозонган, 2 тасида эса имкониятни бой бериб қўйган.
Ҳабиб Нурмагомедовнинг рақибини 1-раунддаёқ нокаутга учратган жангини томоша қилинг (видео)
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)