«Манчестер Юнайтед» сўнгги икки ўйинда гол урганига қарамай, ярим ҳимоячи Жесси Лингардни сотиб юбормоқчи. Бу ҳақда The Guardian хабар бермоқда.
Лингард Майсон Гринвуд билан рақобатда имкониятни бой бериб қўймоқда. Бунинг устига Жейдон Санчонинг трансфери ярим ҳимоячининг «Олд Траффорд»даги тақдирини яна-да қийинлаштириши мумкин.
Маълумот учун, Лингард «Манчестер Юнайтед» академияси тарбияланувчиси ҳисобланади. Унинг клуб билан шартномаси 2021 йилнинг июнига қадар амал қилади. Transfermarkt портали унинг трансфер нархини 17,5 миллион еврога баҳолаган.
Лингард Англия Премьер Лигасининг 2019/20 йилги мавсумида 22 та учрашувда майдонга тушиб, 1 бор рақиблар дарвозасини ишғол қилди. Шунингдек, у Европа Лигасида ҳам ўз номига 2 та гол ва 1 ассист ёздириб қўйган.
Изоҳ (0)