Қозоғистон шахсий компьютерга эга эмас 180 минг нафар мактаб ўқувчисига кўмак беради. Мамлакатдаги кўп болали ва кам таъминланган оилаларнинг 500 минг нафар боланинг масофавий таълим муаммоасини ҳал этиш учун компьютерлар тарқатилган. Бу ҳақда «Хабар 24» нашри маълум қилган.
«Ҳокимликлар мактаб ўқувчиларига маҳаллий даражада компьютер тарқатилишини назорат қилади. Ўқувчиларга 25 августгача дарсликлар тарқатилиши ҳам назоратга олинади. Ҳар бир дарсликнинг электрон нусхаси ҳам берилиши лозим ва уларни олиш учун шароитлар яратилиши лозим. Эслатиб ўтамиз, 1 сентябрдан Қозоғистон ўқувчилари учун онлайн-форматдаги йиғилишлар ўтказилади», – деган маориф ва фан вазири Асхат Аймагамбетов.
Қозоғистонда янги ўқув йилидан 157 минг нафар ўқувчи таълимни бошлайди ва давом эттиради. Улар орасида қишлоқ ҳудудларидаги мактабларда таълим олувчилар ҳам бор. Бошланғич синфлар ўқувчилари ота-оналарнинг аризаси асосида анъанавий форматда санитар талабларга риоя этган ҳолда ўқишни бошлаши ёки давом эттириши мумкин. Таълим вазирининг айтишича мазкур синфлардаги ўқувчилар сони 15 нафардан кўп бўлмаслиги лозим. Навбатчи синфлар учун аризалар электрон шаклда қабул қилинади. Қолган ўқувчилар масофавий тарзда, теледарслар орқали таълимни давом эттиради.
Дарслар Al-Farabi ва El Arna телеканаллари орқали намойиш қилинади. Маълумотда қайд этилишича айни вақтда олти мингта дарснинг тасвирга олиш жараёни кетмоқда. Вазирликнинг ахборотига кўра интернет-платформалар ва телевидение орқали масофавий таълим шаклида 2 миллиондан ортиқ ўқувчи қамраб олинади.
Аввалроқ Қозоғистонда 3 августдан карантин чекловлари енгиллаштирилиши кутилаётгани тўғрисида хабар берилган. Кейинчалик Қозоғистон президенти Қосим-Жўмарт Тўқаев Қозоғистондаги эпидемиологик вазиятга оид муаммоли масалалар юзасидан йиғилиш ўтказган ва карантин чекловларини яна 2 ҳафтага узайтириш бўйича топшириқ берганди.
Эслатиб ўтамиз, Қозоғистонда 5 июлдан бошлаб икки ҳафтага қатъий карантин режими жорий қилинган. 13 июль куни эса Қозоғистонда коронавирус қурбонларини хотирлаш куни дея эълон қилинганди. Кейинроқ Қосим-Жўмарт Тўқаев мамлакатда карантин чекловлари июль ойининг охиригача узайтирилишини маълум қилганди.
Изоҳ (0)