Тадбиркор ва блогер Азиза Умарова «Нафас ол, Ўзбекистон!» акцияси бошланганини маълум қилди

Ўзбекистон бўйлаб «Нафас ол, Ўзбекистон!» акцияси бошланди, дея хабар бермоқда тадбиркор ва блогер Азиза Умарова.

«Бугун биз ‘Нафас ол, Ўзбекистон!’ акцияси доирасидаги ҳаракатимизни бошлаймиз. Ezgu Аmal жамғармаси одамларга ёрдам бериш учун тиббиёт йўналишидаги талабалар ассоциацияси билан ҳамкорликда бор куч ва имкониятини сафарбар қилмоқда.

Бизнинг волонтёрларимиз — шифокорлар ва ОТМ талабалари. Жойларга бориш вақти: 9:00 дан 18:00 гача.

Лойиҳа икки босқичдан иборат. Дастлабки 5-8 кун волонтёрлар телефон орқали чақирувлар бўйича боришади, кейинчалик ваколатли давлат идоралари билан келишиб уларни 103 хизмати билан бирга юришини ташкил этиш режалаштирилмоқда», – деб ёзади Азиза Умарова

Тадбиркор концентратор жойида фақат тиббий кўрсатмаларга эга бўлган беморларга тўлиқ тиббий кўрикдан ўтгандан кейингина қўйилади. Аппарат паспорт эвазига ва акт асосида улаб берилиши муҳим эслатма сифатида таъкидланган.

Ҳозирда 5 литрлик аппаратлар бор ва ҳомийлар туфайли бир нечта 10 литрлик аппаратлар ҳам олингани маълум қилинган.

«Ҳозирча фақат Тошкент шаҳрида иш бошлаяпмиз. Ҳа, биз бу касаллик кўламини ҳис қилиб, бўлажак қўнғироқларнинг қанчалик кўп бўлишини билиб турибмиз. Шу боис волонтёрлар ҳаммага жавоб беришга улгурмай қолса, олдиндан узр сўраймиз. Концентраторлар қанча кўп бўлса, шунча кўп одамга ёрдам берардик.

Шу билан бирга ҳомийлар томонидан ажратилган 80+50 дона концентраторлар вилоят шифохоналарига жўнатиш режалаштирилмоқда.

Қўллаб-қувватлаган барчага катта раҳмат. Биз биргаликда катта кучмиз», – деб ёзади Азиза Умарова.