YouTube’даги Warped Perception канали тўғри ва ўнқир-чўнқир йўлда ҳаракатланаётган Mercedes-Benz E55 AMG ғилдираги ичида нималар содир бўлишини кўрсатиб берди. Бунинг учун GoPro камераси покришка ичига жойлаштирилган.
Тасвир тиниқлигини таъминлаш мақсадида покришка ва диска ўртасига ғилдирак ичини ҳаракат вақтида ёритиб турувчи фонар ўрнатилган. Смартфонга тўғридан-тўғри узатилган видеодан кўриш мумкинки, яхши ва ёмон йўлда ҳаракатланаётган покришкалар ҳолати фарқланади.
Тажриба давомида ўнқир-чўнқир асфальтдаги шина шу қадар деформацияга учраганки, камерани тушириб юборган.
Эслатиб ўтамиз, июль ойи охирларида YouTube’даги Welker Farms канали ягона нусхада ишлаб чиқарилган дунёдаги энг катта трактор — Big Bud 16B-747’га янги шиналар ўрнатилгани тасвирланган видео билан бўлишганди.
Изоҳ (0)