Римнинг «Лацио» клуби ҳужумчиси Чиро Иммобиле Италия А Сериянинг 38-туридан ўрин олган «Наполи»га қарши ўйинда (1:3) ўз номига гол ёздириб қўйди.
Шу тариқа италиялик 30 ёшли футболчи А Сериянинг 2019/20 йилги мавсумидаги 36-голини урди ва ушбу кўрсаткич бўйича Гонсало Игуаин томонидан ўрнатилган рекордни такрорлади. Аргентиналик футболчи 2015/16 йилги мавсумда «Наполи» сафида А Сериянинг бир мавсумида 36 та гол урганди.
Қайд этиш жоиз, Иммобиле 36 та голи билан Европада энг яхши тўпурарга топшириладиган «Олтин бутса» совринига эга чиқди.
Маълумот учун, Иммобиле 2016 йилда «Боруссия Дортмунд» клубидан 9,45 миллион евро эвазига «Лацио»га ўтган. Ушбу мавсумда у Италия чемпионатининг 37 ўйинида майдонга тушиб, 36 та гол ва 10 та голли узатмага муаллифлик қилди. Унинг клуб билан шартномаси 2023 йилнинг ёзигача мўлжалланган.
Мавзуга доир:
Изоҳ (0)