Тошкент вақти билан 2 август тонгида АҚШнинг Лас-Вегас шаҳрида UFC Fight Night 173 мусобақаси бўлиб ўтди.
Кечанинг асосий жанги Дерек Брансон (21-7) ва Эдмен Шаҳбазян (11-1) ўртасидаги кечди. Беллашувнинг учинчи раундида Брансон Шаҳбазянга бир нечта зарбалар бергач, ҳакам жангни тўхтатиб техник нокаут қайд этди.
Шу тариқа Брансон фаолиятидаги 21-ғалабасини қўлга киритди. Шаҳбазян эса фаолиятидаги илк мағлубиятини тан олишга мажбур бўлди.
Кечанинг яна бир жангида шотландиялик Жоанн Калдервуд (14-5) бразилиялик Женнифер Майяга (18-6-1) имкониятни бой бериб қўйди.
Қайд этиш жоиз, UFC 3 та жангни бекор қилди.
Барча жанг видеоларини томоша қилинг → жанг видеолари.
UFC Вегас 5 мусобақасининг бошқа натижалари:
Висенте Люке (19-7-1) Ренди Браунни (12-4) техник нокаут билан мағлуб этди;
Бобби Грин (16-10-1) Лендо Ваннатани (11-5-2) мағлуб этди (30:26, 30:27, 30:27);
Жонатан Мартинес Фрэнк Сайенсни техник нокаут билан мағлуб этди;
Нейтан Менесс Жонни Муньосни мағлуб этди (29:27, 29:27, 29:27);
Жамалл Эммерс Винсент Кашерони мағлуб этди (30:27, 30:27, 30:27);
Крис Гутьеррес — Коди Дарден жанги дуранг билан якунланди (28:28, 28:28, 28:28).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)