Футбол бўйича Англия Кубоги финалида «Арсенал» ва «Челси» жамоалари 1 август, шанба куни ўзаро баҳс юритди.
Учрашув дебютида «кўклар» Кристиан Пулишичнинг голидан кейин олдинга ўтиб олди. Бўлим ўрталарига келиб «Арсенал» футболчилари пенальти ишлаб олди. 11 метрлик жарима зарбасини Пьер-Эмерик Обамеянг голга айлантирди.
67-дақиқада номинал мезбонларнинг тезкор қарши ҳужумини Обамеянг муваффақиятли якунлаб, дублни расмийлаштирди. Бунинг устида 73-дақиқада «Челси» Матео Ковачичнинг четлатилишидан кейин камчилик қолди. Қолган вақтда ушбу ҳисоб ўзгармай қолди.
Бу «канонирлар» учун Англия Кубогидаги 14-ғолиблик бўлди.
Шу тариқа «Арсенал» Англия Кубогини қўлга киритган ҳолда Европа Лигаси йўлланмасига эга чиқди. Премьер Лигада 7-ўринни қўлга киритган «Вулверҳэмптон» эса Еврокубокларсиз қолди.
Англия Кубоги
Финал баҳси
1 август, шанба
«Арсенал» — «Челси» 2:1
Голлар: 0:1 – 5 Пулишич, 1:1 – 28, пенальти Обамеянг, 2:1 – 67 Обамеянг.«Арсенал»: Мартинес, Бельерин, Ҳолдинг, Тирни (Колашинац, 90), Мэйтленд-Найлз, Жака, Себальос, Пепе, Давид Луиз (Папастатопулос, 88), Обамеянг, Ляказетт (Нкетиа, 82).
«Челси»: Кабальеро, Алонсо, Зума, Аспиликуэта (Кристенсен, 35), Жеймс, Пулишич (Педро, 49), Ковачич, Маунт (Баркли, 78), Жоржиньо, Рюдигер (Ҳадсон-Одои, 78), Жиру (Абраҳам, 78).
Огоҳлантиришлар: Ковачич (14), Аспиликуэта (26), Маунт (45), Себалос (73), Рюдигер (75), Баркли (89).
Четлатиш: Ковачич (73).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)