РПЛ 2019/20 йилги мавсумининг энг яхшилари аниқланди

Россия Премьер Лигасининг 2019/20 йилги мавсумидаги энг яхшилар аниқланди.

РПЛ ўтказган сўровнома натижалари бўйича «Зенит» ҳужумчиси Артём Дзюба мавсумнинг энг яхши ўйинчиси деб топилди. Мазкур номга даъвогарлар қаторида «Ростов»нинг ўзбекистонлик ҳужумчиси Элдор Шомуродов ҳам бор эди.

«Рубин»нинг 19 ёшли ярим ҳимоячиси Хвича Кварацхелия мавсумнинг энг ёш ўйинчиси сифатида эътибор этилди. Ушбу совринга номзодлар қаторида «Уфа» ярим ҳимоячиси Остон Ўрунов ҳам бор эди.

Остон Ўруновнинг 2019/20 йилги мавсум РПЛдаги ҳаракатларини томоша қилинг (видео)

Шунингдек, 2019/20 йилги мавсум чемпиони — «Зенит»нинг устози Сергей Семак мавсумнинг энг яхши мураббийи деб топилган бўлса, фэйр-плей соврини ҳам питерликларга насиб этди.

Россия Премьер Лигаси тўпурарига ажратилган соврин «Зенит»нинг икки футболчиси Сардор Азмун ва Артём Дзюбага тақдим этилди. Улар мавсум давомида 17 тадан гол уришга эришди. «Уфа» дарвозабони Александр Беленов энг яхши дарвозабон номига лойиқ кўрилди.

Овоз бериш жараёнида РПЛ клубларининг бош мураббийлари ва сардорлари, Россиянинг еттита спортга оид нашри, «Матч-ТВ» телеканалининг беш нафар экперти ҳамда Россия терма жамоаси бош мураббийи иштирок этди.

Шомуродов жами иккита овоз билан 4 очко тўплаган бўлса, Ўруновга 11 киши овоз берган (28 очко) ва уларнинг тўрт нафари Остонни биринчи ўринга қўйган.