Остон Ўрунов РПЛ 2019/20 йилги мавсумида дриблинг ишлатиш бўйича юқори кўрсаткич қайд этди

Россия Премьер Лигасининг 2019/20 йилги мавсум якунларига кўра энг кўп дриблинг ишлатган футболчилар маълум бўлди.

«Уфа» сафида тўп сураётган ўзбекистонлик ярим ҳимоячиси Остон Ўрунов бир ўйиндаги ўртача дриблинглар сони бўйича 2-ўринда қайд этилди. Учрашувда ўртача 8,1 марта дриблинг ишлатган футболчи бу борада фақат «Ахмат» футболчиси Бернард Беришадан (9,1) ортда қолган. Бироқ Остон (66%) муваффақиятли дриблинг борасида косовалик футболчидан (52%) яхшироқ натижа қайд этган.

«Ростов» ҳужумчиси Элдор Шомуродов эса ҳар бир ўйинда ўртача 3,7 марта рақибларни алдаб ўтган. Шунингдек, «Ростов» тўпурарида муваффақиятли дриблинглар кўрсаткичи ҳам у қадар юқори эмас — 36%.

Остон Ўрунов кеча пайдо бўлиб қолган футболчи эмас. Бунга ушбу видео орқали гувоҳ бўлишингиз мумкин (видео)