АҚШ президенти Дональд Трамп Оқ уйдаги чиқиши вақтида ноябрь ойида ўтказиладиган президентлик сайловларини кўчиришни истамаслигини маълум қилди.
«Ортга суришни истамайман. Ноябрда сайловларни ўтказишни хоҳлайман. Шунингдек, натижаларни уч ой кутиб, кейин эса почта орқали юборилган бюллетенлар йўқолиб қолгани ва сайловлар ҳеч қандай аҳамиятга эга эмаслигини кутишни ҳам истамайман», — дейди Америка етакчиси.
Шу билан бирга, Трамп олдингидек почта орқали овоз беришда миллионлаб бюллетенлар муаммо юзага келтириши мумкинлигидан хавотирда эканлигини таъкидлаган. Унинг сўзларига кўра, сайлов натижалари почта орқали овоз берилиши сабаб «ҳафта, ой ёки ҳатто йиллардан» кейин маълум бўлиши мумкин. «Санани ўзгартиришни хоҳлайманми? Йўқ, бироқ ноҳақ сайловларни кўришни ҳам истамайман», — дейди Трамп.
Аввалроқ Трамп 2020 йилнинг 3 ноябрида ўтказиладиган президентлик сайловлари қолдирилиши мумкинлигини маълум қилганди. Бунга у пандемиянинг иккинчи тўлқини ва бошқа давлатларнинг почта орқали ўтказиладиган сайловларга аралашуви хавфини сабаб қилиб кўрсатган.
Мавзуга доир:
Изоҳ (0)