Хитойда сўнгги суткада коронавирус билан касалланиш бўйича 127 та ва касаллик белгисиз ўтаётган 11 та ҳолат аниқланди, беморларнинг 13 нафари соғайди, деб хабар бермоқда Swissinfo Хитой Соғлиқни сақлаш миллий комиссиясига таяниб.
Аниқланган янги касалланиш ҳолатининг 123 таси мамлакатнинг ўзида (112 таси — Шинжон-Уйғур автоном ҳудудида, Ляонин провинциясида — 11 та) қолган тўртта белгили ва бешта белгисизлар четдан юқтирилган.
Мамлакатда умумий ҳисобда 84 292 киши коронавирусга чалинган, 4634 нафар бемор COVID-19 қурбонига айланган.
Бир кун аввал Хитойда коронавирус билан касалланиш бўйича 105 та ва касаллик белгисиз ўтаётган 21 та ҳолат аниқланган эди.
Жанубий Кореяда эса сутка давомида 36 киши коронавирусга чалингани қайд этилиб, касалланганларнинг умумий сони 14 305 нафарга етди, деб хабар беради «Regnum».Касалликлар профилактикаси ва назорати маркази (КCDC) маълумотларига кўра, янги касалланиш ҳолатининг 14 таси мамлакатнинг ўзида, 22 таси четдан кириб келган.
Ўтган бир сутка ичида шифохоналарда 51 кишига жавоб берилган бўлиб, Жанубий Кореяда ҳозирга қадар коронавирусдан соғайганлар сони 13 183 кишига етган (92 фози). Пандемия бошланганидан буён COVID-19’дан вафот этганлар сони эса 301 кишини ташкил этмоқда.
Изоҳ (0)