Ўзбекистонда коронавирус пандемиясига қарши курашаётган тиббиёт ходимларининг 540 нафардан зиёди COVID-19’га чалинган. Бу ҳақда 30 июль куни АОКАда бўлиб ўтган матбуот анжуманида маълум қилинди, дея хабар бермоқда «Дарё» мухбири Миролим Исажонов.
Тадбирда журналистлардан бирининг «Ўзбекистонга COVID-19 кириб келган илк пайтларда, коронавирусга қарши кураш ва карантин бўйича Хитой тажрибасидан борилаётгани ҳақида кўп гапирилди. Кейинчалик, бу борада ҳеч нарса дейилмай қўйилди. Айни пайтда қайси давлат тажрибасидан боряпмиз, қайси мамлакатнинг карантин тадбирлари ўрганиляпти?», деган саволга Коронавирусга қарши курашиш штаби аъзоси Ҳабибулло Оқилов шундай жавоб қайтарди:
«Биз бу тўғрисида жуда кўп маротаба гапирдик. Видеоконфренцалоқа ёрдамида энг ривожланган мамлакатлардаги ҳамкасбларимиз билан тизимли равишда маслаҳатлашиб, тажриба алмашиб турибмиз.
Шу ўринда бир нарсани қайд этиш керакки, март ойидан шу пайтгача ўзбекистонлик шифокорларларнинг барчаси коронавирусга қарши кураш ва даволаш бўйича етарли тажрибага эга бўлди. Ҳозирги вазиятда туғилаётган саволларга барча тиббиёт ходимларининг ўзи жавоб бериш ва даволашга қодир. Ҳаттоки, қўшни давлатлар ҳам бизнинг шифокорларимиз билан даволаш стандартлари юзасидан маслаҳатлашяпти», — деди Оқилов.
Изоҳ (0)