Исроилдаги Негев саҳросида яшовчи оқбошли қумой полапони июнь ойида онасидан айрилган эди — у электр узатиш тизимига урилиб, ҳалок бўлган. Шу сабабли кичкина қумойнинг фақатгина отаси қолган. Israel Raptor Nestcam маҳаллий табиатни ҳимоя қилиш ташкилоти нар қуш ёлғиз ўзи полапонни боқа олмайди, деган қарорга келиб, унга ёрдам беришга киришган, деб хабар беради Meduza.
Ҳайвонот олами ҳимоячилари алпинистлар ёрдамида полапонни унинг инидан олиб кетиши, катта қилиб, яна ёввойи табиатга қўйиб юборишлари мумкин эди. Бироқ улар масалага ўзгача ечим топган — ҳарбийларнинг махфий дронидан фойдаланиш.
Учувчисиз бошқариладиган аппарат қушга она вазифасини ўтаган: ҳар икки-уч кунда у инга оқсилга бой егулик олиб келиб, кичик қумой олдига ташлаган. Қушнинг отаси «она дрон»га тезда кўникиб қолган, бироқ ҳар сафар дрон пайдо бўлганида у индан кўзини узмаган. Орадан деярли бир ой ўтгач, 26 июль куни 136 кунлик қумой биринчи бор парвоз қилган.
Israel Raptor Nestcam аъзолари дрон ёрдамида ёш полапонни озиқлантириш жараёни тасвирланган ролик билан бўлишди. Роликда хавфсизлик нуқтаи назаридан дрон тасвири бўялган.
Изоҳ (0)