Квинсленд штатидаги меҳмонхоналардан бири зина бўйлаб кўтарилиб, ташриф буюрувчиларнинг дам олишига халақит бераётган иккита туяқушнинг ушбу масканга киришини тақиқлаб қўйди, деб хабар беради Travel and Leisure.
Туяқушларнинг лақаби Кевин ва Керол бўлиб, улар меҳмонхона яқинида яшайди. Аввалига қушлар меҳмонларнинг қизиқишини уйғотиб келган, бироқ кейинчалик улар ташриф буюрувчиларнинг муаммосига айлана бошлаган. Эмулар зина бўйлаб кўтарилишни ўрганиб олиб, меҳмонларнинг шахсий буюмларини ўғирлай бошлаган. Туяқушлардан бири бир сафар машина калитини ўғрилаган ва ювиниш хонасигача кириб борган.
Меҳмонхона эгаси Крис Гимблеттнинг сўзларига кўра, туяқушларнинг ўзини бу қадар номақбул тутишига йўл қўя олмайди. Шу сабабли уларнинг меҳмонхонага кириши тақиқланди, Крис бунинг учун махсус дарвоза ҳам ўрнатган. Бироқ эмулар тезда таслим бўлиш ниятида эмас, улар кириш эшиги тагида қоровуллик қилиб, бирорта турист уларни ичкарига киритишига умид қилмоқда.
Изоҳ (0)