«Лацио» ҳужумчиси Чиро Иммобиле А Серия 37-турида «Брешия»га қарши кечган баҳсда (2:0) гол уришга эришди.
Эндиликда футболчининг ҳисобида Италия чемпионатидаги 36 ўйинда 35 та гол бор. Иммобиле «Олтин бутса» учун курашда «Бавария» ҳужумчиси Роберт Левандовскини ортда қолдирди. Польшалик футболчи 31 ўйинда 34 та гол урганди.
Левандовски Бундеслигада мавсум якунлангани сабаб ўз кўрсаткичларини яхшилай олмайди. Шу тариқа Роберт «Олтин бутса» учун курашдан чиқди.
Учинчи ўринда кетаётган «Ювентус» футболчи Криштиану Роналдунинг ҳисобида 31 та гол мавжуд. Олдинда А Сериянинг сўнгги тур ўйинлари («Рома»га қарши) кутиб турибди ва португалиялик ҳужумчи назарий жиҳатдан бўлса ҳам ҳали «Олтин бутса» пойгасида ғолиб бўлишга имкониятни сақлаб қолмоқда.
Роберт Левандовскининг Бундеслига 2019/20 йилги мавсумидаги 34 та голини битта видеода томоша қилинг
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)