«Манчестер Сити» Бельгиянинг «Мехелен» клуби ҳимоячиси Исса Каборе билан 4 йиллик шартнома имзолади. Бу ҳақда клуб расмий сайти хабар бермоқда.
Ҳозирча трансфер қиймати маълум қилинмаган. Жамоа Буркина-Фасо терма жамоаси футболчиси билан 2024 йилнинг ёзигача мўлжалланган шартнома тузган. Таъкидланишича, Каборе келаси мавсумни «Мехелен»да ижарада ўтказади.
Маълумот ўрнида, 19 ёшли ҳимоячи Бельгия клубига 2019 йили Буркина-Фасонинг «Рахимо» клубидан ўтган. У Бельгия чемпионатининг якунига етган мавсумида 5 та ўйин ўтказиб, 1 та голли узатмага муаллифлик қилди. Буркина-Фасо термасига эса 2019 йилдан бери чақирилади. Ҳозиргача терма жамоа сафида 2 та учрашув ўтказган.
«Манчечтер Сити» Премьер Лигани 2-ўринда якунлаб, Чемпионлар Лигаси гуруҳ босқич йўлланмасини қўлга киритди.
Мавзуга доир:
Изоҳ (0)