«Реал» собиқ бош мураббийи Фабио Капелло Испания чемпионати мавсум якунлари ҳақида фикр билдирди.
« «Реал» гарчи ўзининг барқарор ўйини туфайли ғалаба қозонган бўлса ҳам, «Барселона»нинг ўйини сустлашганидан фойдаланиб, унинг гегемонлигига чек қўйди.
Зидан — ажойиб мураббий. У жамоага айнан нима кераклигини яхши билади. Унинг ўзига бўлган ишончи ва харизмаси юқори. Зидан алмаштиришлар ва ўзгаришларнинг аҳамиятини жуда яхши тушунади.
Аммо «Барселона»нинг бундай муваффақиятсизликка учрашини кўриш жуда ғалати. Вальверденинг ишдан олиниши кутилмаган ҳодиса бўлди. Сетьен даврида жамоа парчаланиб кетди. «Барселона» яқин вақт ичида қийинчиликларга дуч келади. Бироқ Месси ҳали ҳам даҳо. «Барселона» — бу Месси», — дейди Капелло.
Испания чемпионатининг 2019/20 йилги мавсуми якунларига кўра, «Реал» 87 очко билан чемпионликни қўлга киритди. «Барселона» эса 82 очко билан 2-ўринни эгаллади.
Лионель Мессининг «Эль-Класико»лардаги топ-5 голини томоша қилинг (видео)
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)