«Манчестер Сити» ярим ҳимоячиси Давид Сильва фаолиятини Қатарда давом эттириши мумкин.
ESPN хабарига кўра, «Ас-Садд» клуби бош мураббийи Хави испаниялик футболчини ўз жамоасига келишга кўндирмоқчи.
Сильва мавсум якунига етганидан кейин «Манчестер Сити»ни тарк этади. Қайд этиш жоиз, у 10 йил давомида «шаҳарликлар» сафида тўп сурди. Аввалроқ «Валенсия»нинг ҳам Сильвани ўз сафига қўшиб олиш ниятида экани тўғрисида хабарлар тарқалганди.
Эслатиб ўтамиз, Қатар клуби бироз муддат олдин бошқа бир испаниялик футболчи Санти Касорланининг трансферини эълон қилганди.
Давид Сильва Англия Премьер Лигасининг 2019/20 йилги мавсумида 26 та ўйин ўтказиб, 6 та гол ва 10 та голли узатмага муаллифлик қилди.
Давид Сильванинг «Манчестер Сити» сафида АПЛда урган барча голларини томоша қилинг (видео)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)