«Милан» ҳужумчиси Златан Ибрагимович клуб билан шартномасини узайтиради. Бу ҳақда журналист Никола Скира маълум қилди.
Таъкидланишича, 38 ёшли швециялик футболчи «Милан»да яна бир йил қолишга қарор қилган. Бу клуб бош мураббийи Стефано Пиолининг «россонери» билан шартномани узайтиришга рози бўлганлиги билан боғланмоқда.
Эслатиб ўтамиз, Златан 2020 йилнинг январь ойида Милан клуби билан ярим йиллик шартнома имзолаганди, унинг шартномасига ҳамкорликни яна 1 йилга узайтириш тўғрисида банд ҳам киритилганди.
Ибрагимович А Серияда у 16 ўйинда майдонга тушиб, 7 та гол ва 4 та голли узатмага муаллифлик қилди.
«Милан» эса 36-турдан кейин 60 очко билан мусобақа жадвалининг 6-поғонасида бормоқда.
Златан Ибрагимовичнинг шедевр голларини томоша қилинг (видео)
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)