Хитойлик дипломатлар Хьюстондаги консуллик биносини тарк этди

Хитойлик дипломатлар Хьюстон шаҳридаги Хитой консуллиги биносини бўшатиб берди, деб ёзади Associated Press.

Маълумотларга кўра, дипломатик рақамларга эга юк машиналари 24 июль куни маҳаллий вақт билан соат 16:00 дан консуллик биносидан чиқиб кетган.

Reuters’нинг аниқлик киритишича, АҚШда маҳаллий вақт билан соат 16:00 да Хитой ваколатхонасини ёпиш тўғрисидаги қарор кучга киргач, консуллик биноси атрофида бир неча киши тўпланиб, бино орқа эшигини бузиб киришга уринган.

Агентлик маълумотларига кўра, одамлар орасида АҚШ давлат департаменти ходими, хорижий ишлар бўлими бошлиғи Клифф Сигровс ҳам бўлган. Улар консуллик биносига киргач, эшик остида АҚШ давлат департаментининг Дипломатик хавфсизлик бюроси қўриқчилари пайдо бўлган.

Америка ҳукумати Хьюстондаги дипломатик миссияни ёпишни 22 июль куни талаб қилган эди. Бунинг учун Америка ҳукумати Пекинга 72 соат вақт берган. Reuters’нинг маълум қилишича, Пекин бу каби ҳаракатга жавобан АҚШнинг Ухандаги консуллигини ёпиш имкониятларини кўриб чиқмоқда.

24 июль куни Хитой ТИВ жавоб чоралари сифатида Чэнду шаҳридаги АҚШ бош консулхонаси ёпилишини маълум қилган.