Бутун дунё бўйлаб бир суткада 284 мингдан ортиқ киши коронавирусга чалинди. Кунлик антирекорд янгиланди

ЖССТ маълумотларига кўра, дунёда коронавирусга чалинганлар сони сўнгги суткада 284 минг кишидан ошди, касалланганларнинг 9,7 минг нафардан ортиғи вафот этди, деб хабар бермоқда «РИА Новости».

Аввалроқ ЖССТ 247 225 киши COVID-19’га чалингани, 7097 киши вафот этганини маълум қилганди. Сўнгги 24 соат давомида антирекорд янгиланиб, 284 196 киши коронавирусга чалингани, 9753 киши вафот этгани қайд этилди.

ЖССТ маълумотларига кўра, дунёда коронавирусга чалинганларнинг умумий сони 15 296 926 кишига етган, уларнинг камида 628 903 нафари вафот этган. 1 июль куни бутун дунёда коронавирус инфекциясига чалинганлар сони 13 миллион нафардан, 18 июлда 14 миллион кишидан, 22 июлда 15 миллиондан ошгани хабар берилганди.

Энг кўп касалланиш ҳолати Шимолий ва Жанубий Америкада (8 121 700 киши) ва Европада (3 170 382 киши) қайд этилган.