Бугун,

  • USD 10940.05
  • RUB 182.26
  • EUR 11121.65

Коронавирус инфекциясидан тузалгандан кейин беморлар организмда узоқ давом этувчи бир қатор бузилишларга, шу жумладан, юрак-қон томир касалликлари, эндокринологик ва психоневрологик касалликларга дуч келиши мумкин. «РИА Новости»нинг хабар беришича, бу ҳақда Россиянинг Сеченов университетининг тиббий реабилитация кафедраси мудири Константин Терновой маълум қилди.

Фото: «РИА Новости»

Фото: «РИА Новости»

«COVID-19 оддий пневмония каби тузалиб, ўриндан туриб давом этиб кетишдек ўтиб кетмайди. Аксарият ҳолларда  касаллик тананинг кучли интоксикацияси ва ҳеч нарса билан тушириб бўмайдиган юқори даражада иситма билан боғлиқ. Буларнинг барчаси организм учун катта йўқотиш», — дейди у.

Реабитологнинг таъкидлашича, вирусни пневмониядан кейин ўпка шикастланган тақдирда, органнинг чандиғини камайтириш мумкин, аммо ўпка ҳажминининг 10 фоиздан ортиғини компенсация қилиб бўлмайди. У ўпканинг чандиғига қарши чора-тадбирларни иложи борича тезроқ кўриш кераклигини огоҳлантирди.

«Чандиқ — бу йил давомида ўсадиган тўқима. Унга ўз вақтида таъсир кўрсатиш керак. Бир йил ўтгач у қаттиқ ва оқ бўлиб қолади ва ҳеч қандай таъсир ўтказиб бўлмайди. Терида уни кесиш мумкин, ўпкасида эса йўқ», — дея қўшимча қилган Терновой.

Инфекциядан кейин муаммолар коронавирусга рецепторлар бўлган бошқа органларда — ошқозон ости бези, юрак, мояк тўқималарида бўлиши мумкин. Шу билан бирга, ўпка пневмонияси касалликнинг энг жиддий намоёни бўлса ҳам, бундай рецепторларнинг сони бўйича ўпка биринчи ўринда эмас.

Шифокор, COVID-19, шунингдек, эндокрин бузилишлар билан қандай боғлигига ҳам тўхталиб ўтди.

«Қандли диабет касаллиги кечиши борган сари ёмонлашади. Инфекцияларни бошдан ўтказган сўнг кўпинча қандли диабетнинг иккинчи тури аломатлари пайдо бўлади.  Ошқозон ости бези тўғридан-тўғри шикастланади. Билвосита, яъни ўша микротромбозлар орқали турли органларга зарар етиши мумкин. Кардиотоксик дорилар, антибиотиклар орқали буйраклар, жигарга таъсир кўрсатади», — деди Терновой.

Руҳий ва неврологик касалликлар орасида у депрессия, апатия ва астеник синдромни, шунингдек, травмадан кейинги бузуқликни келтирди. Шифокор касаллик ижтимоий муаммолар билан боғлиқлигини ҳам эслатиб ўтди.

Аввалроқ франциялик тадқиқотчилар коронавирус инфекцияси билан касалланган инсонларнинг 80 фоизида буйрагига зарар етиши билдирганди.  АҚШдаги турли тадқиқот марказлари олимлари касаллик инсоннинг бутун организмига таъсир кўрсатиши ва салбий оқибатлар яна узоқ йил сақланиб қолинишини маълум қилган.

Изоҳ
Асосий янгиликлар