Қозоғистонда ўтган бир сутка ичида 1687 кишида коронавирус аниқланди, Қирғизистонда эса яна 42 киши COVID-19 ва пневмониядан вафот этди

Қозоғистонда ўтган бир сутка ичида яна 911 кишида коронавирус аниқланди, шунингдек, 776 кишида касалликнинг белгисиз ҳолати қайд этилган. Умумий ҳисобда бир сутка давомида COVID-19 қайд этилган беморлар сони 1687 кишини ташкил этган, деб хабар беради Tengrinews.

Коронавирусга чалиниш бўйича янги ҳолатлар қуйидаги ҳудудларда аниқланган:

• Атирау вилояти — 9710 (+180);
• Олмаота шаҳри — 10 098 (+247);
• Нур-Султон шаҳри — 9243 (+175);
• Қарағанда вилояти — 7681 (+140);
• Чимкент шаҳри — 4576 (+22);
• Ғарбий Қозоғистон вилояти — 5120 (+89);
• Олмаота вилояти — 3880 (+78);
• Шарқий Қозоғистон вилояти — 4914(+216);
• Туркистон вилояти — 2552 (+20);
• Жамбил вилояти — 3122 (+75);
• Ақтўбе вилояти — 2842 (+39);
• Манғистов вилояти — 2874 (+32);
• Павлодар вилояти — 2644 (+61);
• Қизилўрда вилояти — 2626 (+85);
• Шимолий Қозоғистон вилояти — 2540 (+89);
• Ақмўла вилояти — 2210 (+49);
• Костанай вилояти — 2177 (+54).

Бутун мамлакат бўйлаб коронавирусга чалинганлар сони 78 486 кишига етган. Ҳозирга қадар 49 488 киши соғайган. Tengrinews’нинг ёзишича, мамлакатда коронавирус қурбонлари сони 610 кишига етган, бироқ расмий статистикада вафот этганлар сони ҳамон 585 кишини ташкил этмоқда.Қирғизистонда 24 июль ҳолатига кўра, коронавирус ва шифохонадан ташқарида юқтирилган пневмония билан касалланиш бўйича яна 921 та ҳолат қайд этилди, деб хабар беради Kloop.

Коронавирусга чалинган янги касалларнинг 273 нафари Бишкек шаҳри ҳисобига тўғри келмоқда. Шунингдек, қуйидаги ҳудудларда ҳам коронавирус билан касалланиш бўйича янги ҳолатлар қайд этилган:

• Чуй вилояти — 140;
• Ўш шаҳри — 75;
• Ўш вилояти — 91;
• Иссиқкўл вилояти — 107;
• Жалолобод вилояти — 138;
• Норин вилояти — 22;
• Талас вилояти — 25;
• Боткен вилояти — 50.

Мамлакатда пандемия бошланганидан буён COVID-19 ва касалхонадан ташқарида юқтирилган пневмонияга чалинганларнинг умумий сони 31 247 кишига етган. Коронавирус ва пневмония билан касалланганларга оид статистика умумийлаштирилгач, уларнинг сони ортиб кетган.

Шунингдек, Қирғизистонда ўтган бир сутка ичида пневмония билан касалланган 1247 бемор соғайган. Айни вақтда касалликдан соғайганлар сони 18 038 кишига етди.

Бундан ташқари, Соғлиқни сақлаш вазирлиги томонидан ўтган бир сутка ичида 42 киши коронавирус ва пневмониядан вафот этгани қайд қилинган. Республикада пандемия бошланганидан буён вафот этганлар сони 1211 кишига етди.

Жонс Ҳопкинс университети маълумотларига кўра, Афғонистонда ўтган бир сутка ичида яна 201 кишида коронавирус аниқланган.

Мамлакат Соғлиқни сақлаш вазирлигининг маълумотларига кўра, Афғонистонда коронавирусга чалинганлар сони 35 928 кишини ташкил этмоқда.

Бутун мамлакат бўйлаб коронавирусдан ҳозирга қадар 24 550 бемор тузалди. Умумий ҳисобда 1211 киши касаллик оқибатида вафот этган.

Тожикистонда коронавирус билан касалланганлар сони 7060 кишига етди. Ўтган сутка давомида яна 45 кишида коронавирус аниқланган.

Мамлакатда ўтган бир сутка ичида 52 кишига шифохонадан жавоб берилган. Тожикистонда ҳозирга қадар 58 киши COVID-19 қурбонига айланган, 5793 бемор соғайган.

Ўзбекистонда 24 июль соат 10:00 ҳолатига кўра, коронавирус инфекцияси қайд этилганлар сони 18 986 нафарга етди. Айни пайтда мамлакатда 10 149 нафар коронавирус инфекциясига чалинган фуқаро (53 фоиз) соғайган. Соғлиқни сақлаш вазирлиги тақдим этиб келаётган статистика бўйича мамлакатда эпидемия бошланганидан буён 103 киши вафот этган. «Дарё» ҳисоби бўйича эса коронавирусдан вафот этганлар сони 108 нафарни ташкил этмоқда.