Koronavirus infeksiyasidan tuzalgandan keyin bemorlar organizmda uzoq davom etuvchi bir qator buzilishlarga, shu jumladan, yurak-qon tomir kasalliklari, endokrinologik va psixonevrologik kasalliklarga duch kelishi mumkin. “RIA Novosti”ning xabar berishicha, bu haqda Rossiyaning Sechenov universitetining tibbiy reabilitatsiya kafedrasi mudiri Konstantin Ternovoy ma’lum qildi.
“COVID-19 oddiy pnevmoniya kabi tuzalib, o‘rindan turib davom etib ketishdek o‘tib ketmaydi. Aksariyat hollarda kasallik tananing kuchli intoksikatsiyasi va hech narsa bilan tushirib bo‘maydigan yuqori darajada isitma bilan bog‘liq. Bularning barchasi organizm uchun katta yo‘qotish”, — deydi u.
Reabitologning ta’kidlashicha, virusni pnevmoniyadan keyin o‘pka shikastlangan taqdirda, organning chandig‘ini kamaytirish mumkin, ammo o‘pka hajminining 10 foizdan ortig‘ini kompensatsiya qilib bo‘lmaydi. U o‘pkaning chandig‘iga qarshi chora-tadbirlarni iloji boricha tezroq ko‘rish kerakligini ogohlantirdi.
“Chandiq — bu yil davomida o‘sadigan to‘qima. Unga o‘z vaqtida ta’sir ko‘rsatish kerak. Bir yil o‘tgach u qattiq va oq bo‘lib qoladi va hech qanday ta’sir o‘tkazib bo‘lmaydi. Terida uni kesish mumkin, o‘pkasida esa yo‘q”, — deya qo‘shimcha qilgan Ternovoy.
Infeksiyadan keyin muammolar koronavirusga retseptorlar bo‘lgan boshqa organlarda — oshqozon osti bezi, yurak, moyak to‘qimalarida bo‘lishi mumkin. Shu bilan birga, o‘pka pnevmoniyasi kasallikning eng jiddiy namoyoni bo‘lsa ham, bunday retseptorlarning soni bo‘yicha o‘pka birinchi o‘rinda emas.
Shifokor, COVID-19, shuningdek, endokrin buzilishlar bilan qanday bog‘ligiga ham to‘xtalib o‘tdi.
“Qandli diabet kasalligi kechishi borgan sari yomonlashadi. Infeksiyalarni boshdan o‘tkazgan so‘ng ko‘pincha qandli diabetning ikkinchi turi alomatlari paydo bo‘ladi. Oshqozon osti bezi to‘g‘ridan to‘g‘ri shikastlanadi. Bilvosita, ya’ni o‘sha mikrotrombozlar orqali turli organlarga zarar yetishi mumkin. Kardiotoksik dorilar, antibiotiklar orqali buyraklar, jigarga ta’sir ko‘rsatadi”, — dedi Ternovoy.
Ruhiy va nevrologik kasalliklar orasida u depressiya, apatiya va astenik sindromni, shuningdek, travmadan keyingi buzuqlikni keltirdi. Shifokor kasallik ijtimoiy muammolar bilan bog‘liqligini ham eslatib o‘tdi.
Avvalroq fransiyalik tadqiqotchilar koronavirus infeksiyasi bilan kasallangan insonlarning 80 foizida buyragiga zarar yetishi bildirgandi. AQShdagi turli tadqiqot markazlari olimlari kasallik insonning butun organizmiga ta’sir ko‘rsatishi va salbiy oqibatlar yana uzoq yil saqlanib qolinishini ma’lum qilgan.
Izoh (0)