Хитойда сўнгги суткада коронавирус билан касалланиш бўйича 21 та ва касаллик белгисиз ўтаётган 43 та ҳолат аниқланди, беморларнинг 18 нафари соғайди, деб хабар бермоқда «РИА Новости» Хитой Соғлиқни сақлаш миллий комиссиясига таяниб.
Аниқланган янги касалланиш ҳолатининг 15 таси мамлакатнинг ўзида, қолган 6 таси четдан юқтирилган. 23 июлда 22 кишида, 22 июлда 14 кишида, 21 июлда 11 кишида коронавирус қайд этилганди.
Мамлакатда умумий ҳисобда 83 750 киши коронавирусга чалинган, уларнинг 78 873 нафари соғайган, 4634 нафар бемор COVID-19 қурбонига айланган. Касалхонада 243 киши даволанишда қолмоқда.
Шунингдек, Хитойда касаллик белгисиз ўтаётган 43 та ҳолат аниқланган. Шундай кишиларнинг яна 176 нафари кузатувда бўлиб турибди.
Жанубий Кореяда эса сутка давомида 41 киши коронавирусга чалингани қайд этилиб, касалланганларнинг умумий сони 13 979 нафарга етди. 23 июлда 59 кишида, 22 июлда 63 кишида, 21 июлда 45 кишида коронавирус аниқланганди.Аниқланган янги касалланиш ҳолатларининг 28 тасида вирус мамлакатнинг ўзида, қолган 13 та ҳолатда четдан юқтирилган.
Жанубий Кореяда қонунчилигига кўра, COVID-19’га чалинган чет эл фуқаролари бепул даволаниш ҳуқуқига эга. Айни пайтда эса чет эллик фуқароларнинг коронавирусга чалиниши ҳолати ошаётгани туфайли ҳукумат ушбу қонунга ўзгартириш киритиб, уларга даволаниш харажатининг бир қисмини қоплатиш ниятида.
Жонс Ҳопкинс маълумотларига кўра, сутка давомида 245 киши соғайиб, тузалганларнинг умумий сони 12 817 нафарни ташкил қилмоқда. Вирус қурбонлари сони бир кишига ошиб, 298 нафарга етди.
Изоҳ (0)