Огаёнинг Колумбус шаҳридаги ҳайвонот боғи 21 июль куни кечқурун йўқолиб қолган қизил пандани қидирмоқда, деб хабар беради Fox News.
Шунингдек, мутахассислар камералардаги ёзувларни ҳам кўриб чиққан, аммо бу ҳам унинг изини топишга ёрдам бермаган.
Йўқолган панданинг иккита эмизикли боласи бўлган, ҳозирда улар махсус сут билан озиқлантирилмоқда. Ходимлар она панда қайтишига умид қилмоқда.
Ҳайвонот боғидагиларнинг таъкидлашича, қизил панда одамларга ҳеч қандай хавф туғдирмайди, бироқ барибир унга дуч келинганида яқинлашмаслик ва ҳайвонот боғига хабар бериш сўралган.
«Улар табиатан уятчан ва тутқич бермас, шу сабабли уни қўрқитиб юборишни истамаймиз», — дейилади ҳайвонот боғи эълонида.
Эслатиб ўтамиз, 2019 йилда Белфаст ҳайвонот боғидан ҳам ноёб қизил панда қочиб кетган эди.
Изоҳ (0)