Футбол бўйича Италия чемпионатининг 35-туридан ўрин олган иккита ўйин 21 июль, сешанба куни бўлиб ўтди.
«Милан» жамоаси «Сассуоло» майдонида меҳмон бўлди. Учрашувнинг 19-дақиқасида Златан Ибрагимович миланликларни олдинга олиб чиқди. 42-дақиқадаги пенальтидан сўнг майдон эгалари ҳисобни тенглаштирди.
Биринчи бўлимга қўшиб берилган вақтда Ибрагимович иккинчи тўпини киритди. Бундан ташқари «Сассуоло» футболчиси Меҳди Бурабия қизил карточка олиб майдонни тарк этди. Иккинчи бўлим «Милан»нинг назоратида ўтди ва дарвозалар бошқа ишғол этилмади.
Мазкур ғалабадан кейин миланликларнинг очколари 59 тага етди ва жамоа 5-ўринга кўтарилиб олди. «Сассуоло» (48) эса 8-ўринда бормоқда.
«Аталанта» ўз уйида «Болонья»ни қабул қилди ва Луис Муриэлнинг ягона голи эвазига ғалабани қўлга киритди. Бергамоликлар очколарини 74 тага етказиб олди ва 2-ўринга кўтарилди. «Болонья» (43) 10-поғонада қолди.
А Серия
35-тур баҳслари
21 июль, сешанба
«Аталанта» — «Болонья» 1:0
Гол: 1:0 – 62 Муриэль.«Сассуоло» — «Милан» 1:2
Голлар: 0:1 – 19 Ибрагимович, 1:1 – 42, пенальти Капуто, 1:2 – 45+2 Ибрагимович.«Сассуоло»: Консилйи, Марлон, Пелузо, Мюльдюр (Кирьякопулос, 46), Рожерио, Бурабия, Гараслин (Бога, 46; Журичич, 68), Локателли, Берарди, Капуто (Траоре, 89), Распадори (Маньянелли, 46).
«Милан»: Доннарумма, Конти (Калабрия, 11), Тео (Лаксалт, 46), Кер, Романьоли (Габбия, 32), Кессиэ, Салемакерс, Беннасер (Биглия, 79), Чалхонўғлу (Бонавентура, 79), Ибрагимович, Ребич.
Огоҳлантиришлар: Бурабия (22), Локателли (34), Тео (37), Беннасер (61), Лаксалт (76), Бонавентура (85).
Четлатиш: Бурабия (45+6).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)