АҚШда 1993 йилда ишлаб чиқарилган яшил рангли ноёб Geo Metro пикапи сотувга қўйилди. Тўлақонли юк платформаси билан жиҳозланган ноодатий автомобилни 2,5 минг долларга харид қилиш мумкин, деб хабар беради Motor.
Мазкур кичкина пикап икки эшикли Suzuki хетчбеки базаси яратилган. Япония компанияси бу турдаги автомобилларни 1988 йилдан 1997 йилга қадар ишлаб чиқарган. Автомобильнинг орқа қисми тўлақонли юк платформасига айлантирилган, ғилдираклари алмаштирилган.
Серияли Geo Metro капоти остидан 50 от кучига эга 1,3 литрли бензин мотори ўрин олган. Модификацияга учраган пикапни эса қандай двигатель ҳаракатга келиши номаълум, бироқ агрегат кузов каби яшил рангга бўялган. Бундан ташқари, мини юк машинасига уч поғонали автоматик трансмиссия ўрнатилган. Шунингдек, автомобиль модификацияланган ҳаво ҳайдагич ва иккиталик газ чиқаргич билан жиҳозланган.
Сотувчининг сўзларига кўра, пикапнинг «покришка»ларидан ташқари бошқа бирор техник қисмига пул сарфлаш керак эмас — барчаси соз ҳолатда. Айни вақтда 100 минг километр йўл босган Geo Metro’ни 2,5 минг доллар эвазига харид қилиш мумкин.
Изоҳ (0)