Бугун,

  • USD 11014.01
  • RUB 191.8
  • EUR 10674.78

90-йилларнинг энг машҳур сериалларидан бири сифатида эсда қолган «Махфий ҳужжатлар» ҳақида қизиқарли маълумотларни эътиборингизга ҳавола этамиз.

Фото: «Яндекс Дзен»

Фото: «Яндекс Дзен»

Сериалнинг биринчи фаслида Малдер ўзга сайёраликлар борлигига ишонган, Скалли эса буни рад қилган. Лекин ҳаётда бунинг акси: Малдерни ижро қилган Дэвид Духовни уларнинг борлигини инкор қилса, Скаллини гавдалантирган Жиллиан Андерсон ўзга сайёраликлар борлигига ишонади.

Духовни кастингга пушти чўчқача принти туширилган бўйинбоғ тақиб келган ва ушбу деталь унинг ролга тасдиқланишида аҳамиятли бўлганини билдирган. Жиллиан эса уни фильмга олишлари учун ўзини тўрт ёш катта қилиб кўрсатган.

Сериалнинг биринчи фаслида Жиллиан Андерсон ҳомиладор экани маълум бўлади. Фильм раҳбарияти актрисани бошқасига алмаштирмоқчи бўлади, лекин унинг ўрнига сценарийга ўзгартириш киритишни абзал билади. Янги ўзгартиришга кўра Скалли ўзга сайёраликлар томонидан ўғирлаб кетилади. Туғруқдан 10 кун ўтиб актриса суратга олиш майдончасига қайтади.

3-фаслнинг 15-қисми Пайпер Мару деб аталган. Ушбу ном Жиллианнинг қизалоғи — Пайпер Мару шарафига қўйилган.

Крис Картер сериалнинг бешинчи фаслидан кейин лойиҳани тугатишга қарор қилган, лекин раҳбарият сериалга бўлган қизиқишни инобатга олган ҳолда Картердан кейинги қисмларни суратга олишда давом этишини сўраган.

Фото: «Яндекс Дзен»

Фото: «Яндекс Дзен»

Канададаги машҳур актёрлик маҳорати ўқитувчиларидан бири бўлган Уильям Брюс Дэвиснинг кейинчалик ҳам ролни ижро қила олиши борасида фильм ижодкорлари кўп бош қотирган, лекин Крис Картер актёр ижросидан қониқиб, сериалнинг барча фаслларида уни асосий рақиб ролини гавдалантиришига қарор қилган.

Фото: «Яндекс Дзен»

Фото: «Яндекс Дзен»

Сериалдаги машҳур «I want to believe» плакати суратга олиш жараёнида бир неча марта йўқолиб қолгани сабаб уни бошқа нусхасини қўйишга тўғри келган. Лос-Анжелесдаги Голливуд музейида плакатнинг сўнгги нусхаларидан бири сақланади.

Қаҳрамоннинг Дана Скалли деб аталаши машҳур спорт журналисти Вина Скалли билан, Малдер эса Крис Картернинг онасининг қизлик фамилияси билан боғлиқ.

Фото: «Яндекс Дзен»

Фото: «Яндекс Дзен»

Сериалда бир-бирига яқин қаҳрамонлар ролини гавдалантирганига қарамай, Андерсон ва Духовни суратга олиш жараёнида тез-тез жанжаллашиб турган. 2002 йилда сериал якунига етганидан кейингина улар ўртасида дўстона муносабатлар яхшиланган.

Андерсон ва Духовнининг бўйида 20 см фарқ бор экани сабаб ҳам уларнинг суҳбатлашиш саҳналари давомида Жиллиан махсус қути устига чиқиб турган ва қоқилиб тушишдан хавотирланган.

Жиллиан Андерсон учун 5-фаслнинг 12-қисми «Bad Blood», Духовни учун эса 5-фаслнинг 5-қисми «Post-Modern Prometheus» энг севимли ҳисобланади.

3-фаслнинг 3-қисми «Teso Dos Bichos»ни эса иккала актёр ҳам бутун сериалдаги энг ёмон қисм деб ҳисоблайди.

Жиллиан Андерсон Скаллини гавдалантиришда «Қўзичоқлар сукути» фильмида Жоди Фостер ижро қилган Клариса Старлингдан илҳомланганини таъкидлайди. Шартнома сабаб 2001 йилда суратга олинган «Ганнибал» фильмида роль ижро қилишга муваффақ бўла олмаган Жиллиан кейинчалик «Ганнибал» сериалида муҳим қаҳрамонлардан бири шифокор Беделия дю Морьени гавдалантириш бахтига муяссар бўлган.

Изоҳ
Асосий янгиликлар