90-yillarning eng mashhur seriallaridan biri sifatida esda qolgan “Maxfiy hujjatlar” haqida qiziqarli ma’lumotlarni e’tiboringizga havola etamiz.
Serialning birinchi faslida Malder o‘zga sayyoraliklar borligiga ishongan, Skalli esa buni rad qilgan. Lekin hayotda buning aksi: Malderni ijro qilgan Devid Duxovni ularning borligini inkor qilsa, Skallini gavdalantirgan Jillian Anderson o‘zga sayyoraliklar borligiga ishonadi.
Duxovni kastingga pushti cho‘chqacha printi tushirilgan bo‘yinbog‘ taqib kelgan va ushbu detal uning rolga tasdiqlanishida ahamiyatli bo‘lganini bildirgan. Jillian esa uni filmga olishlari uchun o‘zini to‘rt yosh katta qilib ko‘rsatgan.
Serialning birinchi faslida Jillian Anderson homilador ekani ma’lum bo‘ladi. Film rahbariyati aktrisani boshqasiga almashtirmoqchi bo‘ladi, lekin uning o‘rniga ssenariyga o‘zgartirish kiritishni afzal biladi. Yangi o‘zgartirishga ko‘ra Skalli o‘zga sayyoraliklar tomonidan o‘g‘irlab ketiladi. Tug‘ruqdan 10 kun o‘tib aktrisa suratga olish maydonchasiga qaytadi.
3-faslning 15-qismi Payper Maru deb atalgan. Ushbu nom Jillianning qizalog‘i — Payper Maru sharafiga qo‘yilgan.
Kris Karter serialning beshinchi faslidan keyin loyihani tugatishga qaror qilgan, lekin rahbariyat serialga bo‘lgan qiziqishni inobatga olgan holda Karterdan keyingi qismlarni suratga olishda davom etishini so‘ragan.
Kanadadagi mashhur aktyorlik mahorati o‘qituvchilaridan biri bo‘lgan Uilyam Bryus Devisning keyinchalik ham rolni ijro qila olishi borasida film ijodkorlari ko‘p bosh qotirgan, lekin Kris Karter aktyor ijrosidan qoniqib, serialning barcha fasllarida uni asosiy raqib rolini gavdalantirishiga qaror qilgan.
Serialdagi mashhur “I want to believe” plakati suratga olish jarayonida bir necha marta yo‘qolib qolgani sabab uni boshqa nusxasini qo‘yishga to‘g‘ri kelgan. Los-Anjelesdagi Gollivud muzeyida plakatning so‘nggi nusxalaridan biri saqlanadi.
Qahramonning Dana Skalli deb atalashi mashhur sport jurnalisti Vina Skalli bilan, Malder esa Kris Karterning onasining qizlik familiyasi bilan bog‘liq.
Serialda bir-biriga yaqin qahramonlar rolini gavdalantirganiga qaramay, Anderson va Duxovni suratga olish jarayonida tez-tez janjallashib turgan. 2002-yilda serial yakuniga yetganidan keyingina ular o‘rtasida do‘stona munosabatlar yaxshilangan.
Anderson va Duxovnining bo‘yida 20 sm farq bor ekani sabab ham ularning suhbatlashish sahnalari davomida Jillian maxsus quti ustiga chiqib turgan va qoqilib tushishdan xavotirlangan.
Jillian Anderson uchun 5-faslning 12-qismi “Bad Blood”, Duxovni uchun esa 5-faslning 5-qismi “Post-Modern Prometheus” eng sevimli hisoblanadi.
3-faslning 3-qismi “Teso Dos Bichos”ni esa ikkala aktyor ham butun serialdagi eng yomon qism deb hisoblaydi.
Jillian Anderson Skallini gavdalantirishda “Qo‘zichoqlar sukuti” filmida Jodi Foster ijro qilgan Klarisa Starlingdan ilhomlanganini ta’kidlaydi. Shartnoma sabab 2001-yilda suratga olingan “Gannibal” filmida rol ijro qilishga muvaffaq bo‘la olmagan Jillian keyinchalik “Gannibal” serialida muhim qahramonlardan biri shifokor Bedeliya dyu Moryeni gavdalantirish baxtiga muyassar bo‘lgan.
Izoh (0)