Истанбулда жойлашган Авлиё София мажмуаси ичидаги христианликка оид мозаикалар ва фрескалар мусулмонлар ибодат қилаётган вақтда пардалар билан ёпиб қўйилади. Бу ҳақда «РИА Новости» Туркия президентининг матбуот котибига таяниб хабар берди.
Туркия олий суди 2020 йилнинг 10 июль куни Авлиё Софияни музейга айлантириш тўғрисидаги 1934 йилдаги қарорини бекор қилди. Шундан сўнг Туркия президенти Ражаб Тоййиб Эрдўғон музейни масжидга айлантириш тўғрисидаги фармонни имзолаганини эълон қилди.
Мазвуга доир:
«Ҳеч қандай ёруғлик тизими бўлмайди. Ҳозирда фрескалар ва мозаикаларни парда билан ёпиш бўйича ишлар олиб борилмоқда ва якунланиб қолди. Тасвирлар ва умуман бинога зарар етказмаслик асосий мақсад», – деди президент матбуот котиби Иброҳим Калин.
Маълумот учун, Авлиё София христиан императори Юстиниан томонидан қурилган ва 537 йил 27 декабрда очилган. Тахминан минг йил давомида собор христиан дунёсидаги энг катта ибодатхона бўлиб келган.
Усмонийлар томонидан Константинополнинг эгалланиши ва 1453 йилда Византия империясининг қулаши билан ибодатхона масжидга айлантирилган. Аммо 1934 йилдан бошлаб замонавий турк давлатининг асосчиси Камол Отатуркнинг буйруғи билан бино музейга айлантирилган ва ЮНЕСКОнинг Жаҳон мероси рўйхатига киритилган.
Изоҳ (0)