Қозоғистонда ўтган дам олиш кунлари 121 киши коронавирусдан вафот этди. Қирғизистонда эса COVID-19 ва пневмония қурбонлари сони 1037 кишига етди

Қозоғистонда ўтган бир сутка ичида яна 793 кишида коронавирус аниқланди, шунингдек, 706 кишида касалликнинг белгисиз ҳолати қайд этилган. Умумий ҳисобда бир сутка давомида COVID-19 қайд этилган беморлар сони 1499 кишини ташкил этган, деб хабар беради Tengrinews.

Коронавирусга чалиниш бўйича янги ҳолатлар қуйидаги ҳудудларда аниқланган:

• Атируа вилояти — 9187 (+130);
• Олмаота шаҳри — 9143 (+221);
• Нур-Султон шаҳри — 8371 (+226);
• Қарағанда вилояти — 7058 (+148);
• Чимкент шаҳри — 4453 (+43);
• Ғарбий Қозоғистон вилояти — 4742 (+95);
• Олмаота вилояти — 3625 (+43);
• Шарқий Қозоғистон вилояти — 4087 (+112);
• Туркистон вилояти — 2477 (+20);
• Жамбил вилояти — 2896 (+104);
• Ақтўбе вилояти — 2736 (+13);
• Манғистов вилояти — 2294 (+42);
• Павлодар вилояти — 2380 (+106);
• Қизилўрда вилояти — 2230 (+19);
• Шимолий Қозоғистон вилояти — 2198 (+69);
• Ақмўла вилояти — 2001 (+52);
• Костанай вилояти — 1960 (+56).

Мамлакат Соғлиқни сақлаш вазирлиги ҳузуридаги Соғлиқни сақлаш миллий марказининг маълум қилишича, ўтган дам олиш кунлари давомида Қозоғистонда 121 киши коронавирусдан вафот этган.

Шундай қилиб, бутун мамлакат бўйлаб коронавирусга чалинганлар сони 71 838 кишига етган. Ҳозирга қадар 43 401 киши соғайган, 585 киши вирус қурбонига айланган.

Қирғизистонда 20 июль ҳолатига кўра, коронавирус ва шифохонадан ташқарида юқтирилган пневмония билан касалланиш бўйича яна 611 та ҳолат қайд этилди, деб хабар беради Kloop.

Коронавирусга чалинган янги касалларнинг 300 нафари Бишкек шаҳри ҳисобига тўғри келмоқда. Шунингдек, қуйидаги ҳудудларда ҳам коронавирус билан касалланиш бўйича янги ҳолатлар қайд этилган:

• Чуй вилояти — 92;
• Ўш шаҳри — 77;
• Ўш вилояти — 55;
• Иссиқкўл вилояти — 12;
• Жалолобод вилояти — 36;
• Норин вилояти — 5;
• Боткен вилояти — 34.

Мамалакатда пандемия бошланганидан буён COVID-19 ва касалхонадан ташқарида юқтирилган пневмония билан касалланганларнинг умумий сони 27 143 кишига етган. Коронавирус ва пневмония билан касалланганларга оид статистика умумийлаштирилгач, уларнинг сони ортиб кетган.

Шунингдек, Қирғизистонда ўтган бир сутка ичида пневмония билан касалланган 781 бемор соғайган. Айни вақтда касалликдан соғайганлар сони 13 109 кишига етди.

Бундан ташқари, Соғлиқни сақлаш вазирлиги томонидан ўтган бир сутка ичида 34 кишида коронавирус ва пневмониядан вафот этган қайд қилинган. Республикада пандемия бошланганидан буён вафот этганлар сони 1037 кишига етди.

Афғонистонда ўтган бир сутка ичида яна 174 кишида коронавирус аниқланди, деб хабар беради Tolonews.

Мамлакат Соғлиқни сақлаш вазирлигининг маълумотларига кўра, Афғонистонда коронавирусга чалинганлар сони 35 463 кишини ташкил этмоқда.

Бутун мамлакат бўйлаб коронавирусдан ҳозирга қадар 23 641 бемор тузалди. Умумий ҳисобда 1181 киши касаллик оқибатида вафот этган.

Тожикистонда коронавирус билан касалланганлар сони 6878 кишига етди, деб хабар беради «РИА Новости». Ўтган сутка давомида яна 44 кишида коронавирус аниқланган.

Мамлакатда ўтган бир сутка ичида 49 кишига шифохонадан жавоб берилган. Тожикистонда ҳозирга қадар 57 киши COVID-19 қурбонига айланган, 5578 бемор соғайган.

Ўзбекистонда 20 июль соат 10:00 ҳолатига кўра, коронавирус инфекцияси қайд этилганлар сони 16 966 нафарга етди. Айни пайтда мамлакатда 9279 нафар коронавирус инфекциясига чалинган фуқаро (55 фоиз) соғайган, мамлакатда COVID-19 оқибатида вафот этганлар сони 90 кишига етган.