Жиззах автомобиль заводи Тошкент шаҳар тиббиёт муассасаларига Volkswagen Caddy базасида махсус жиҳозланган тез ёрдам автомобилларини етказиб беришни бошлайди, дея хабар беради «Ўзавтосаноат» АЖ ахборот хизмати.
Автомобилни жиҳозлаш билан Турин политехника университети битирувчиларидан иборат Turin Invest Engineering маҳаллий компанияси шуғулланмоқда. Компания муҳандислик ишланмаларига (лойиҳалаштиришдан то фойдаланишга топширишгача) ихтисослашади. Компания тасарруфида мехатроника, метрология лабораториялари ва илғор технологик жиҳозлар мавжуд.
Бундан ташқари, Самарқанд автомобиль заводидан ҳам Isuzu D-Max пикапи базасидаги 27 та тез ёрдам машинаси шаҳар соғлиқни сақлаш бошқармасига топширилган. UzAuto Motors эса пойтахт ва минтақалар ҳокимликлари буюртмасига кўра Chevrolet Damas автомобили базасида тайёрланган 250 дона тез ёрдам автомобили партиясини жўнатган.
Аввалроқ Тошкентга янги реанимобиллар олиб келингани ҳақида хабар берилган эди.
Мазвуга доир:
- Тошкентдаги тез тиббий ёрдам хизмати шифокори: Асосий ресурс асоссиз чақирувларга кетиб қолмоқда
- «Одамлар коронавирус юқиб қолса ҳам ваҳима қилмасин. Оддий шамоллашдек ўтиб кетади» — Тошкентдаги тез тиббий ёрдам хизмати шифокори
- Тошкентда тез ёрдам ходимлари битта «заявка»га фақат бир нафар беморни текшираётганига изоҳ берилди
Изоҳ (0)