Буюк Британия қироличаси Елизавета II Иккинчи жаҳон урушининг 100 ёшли фахрийси Том Мурга рицарлик унвонини топширди, деб хабар беради Meduza.
Том Мур 2020 йилнинг мартида Соғлиқни сақлаш миллий хизмати учун хайрия пулларини йиғишни бошлагани билан танилган эди. У 100 ёшга тўлиши муносабати билан операциядан сўнг, боғини 100 маротаба айланишга ваъда берган. Бу орқали Мур ўзининг туғилган кунига қадар 30 миллион фунтдан ортиқ маблағ тўплашга муваффақ бўлган.
Мурга рицарлик унвонини берилиши тўғрисида май ойида маълум бўлганди. Уруш фахрийсини шу тарзда тақдирлашни мамлакат бош вазири Борис Жонсон таклиф қилган.
Эслатиб ўтамиз, 16 апрель куни Мур ўз марафонини якунлаши арафасида унинг боғида Ёркшир полкининг ҳарбий хизматчиларидан иборат фахрий қоровул саф тортган эди. 100 ёшли қария қачонлардир ушбу полкда хизмат қилган.
Изоҳ (0)