Buyuk Britaniya qirolichasi Yelizaveta II Ikkinchi jahon urushining 100 yoshli faxriysi Tom Murga ritsarlik unvonini topshirdi, deb xabar beradi Meduza.
Tom Mur 2020-yilning martida Sog‘liqni saqlash milliy xizmati uchun xayriya pullarini yig‘ishni boshlagani bilan tanilgan edi. U 100 yoshga to‘lishi munosabati bilan operatsiyadan so‘ng, bog‘ini 100 marotaba aylanishga va’da bergan. Bu orqali Mur o‘zining tug‘ilgan kuniga qadar 30 million funtdan ortiq mablag‘ to‘plashga muvaffaq bo‘lgan.
Murga ritsarlik unvonini berilishi to‘g‘risida may oyida ma’lum bo‘lgandi. Urush faxriysini shu tarzda taqdirlashni mamlakat bosh vaziri Boris Jonson taklif qilgan.
Eslatib o‘tamiz, 16-aprel kuni Mur o‘z marafonini yakunlashi arafasida uning bog‘ida Yorkshir polkining harbiy xizmatchilaridan iborat faxriy qorovul saf tortgan edi. 100 yoshli qariya qachonlardir ushbu polkda xizmat qilgan.
Izoh (0)