Бугун,

  • USD 11095.31
  • RUB 173.84
  • EUR 10772.44

Ўзбекистон Президенти Шавкат Мирзиёев раислигида ўтган видеоселектор йиғилишида Тошкентда уч кун ичида тез ёрдамнинг вақтида етиб бормагани оқибатида 43 киши вафот этгани маълум қилинганди. Бунга тез ёрдам машиналарининг етишмаслиги сабаб қилиб кўрсатилган.

Фото: «Дарё»

Фото: «Дарё»

Айрим интернет фойдаланувчилари тез ёрдамларнинг ушланиб қолишига шаҳардаги блокпостлар ва маҳалларга киришда ўрнатилган бетон тўсиқлар сабаб бўлган, дея тахмин қилмоқда. Ички ишлар вазирлиги матбуот котиби Шоҳрух Ғиёсов блокпостлар ўрни ҳукумат комиссияси билан, бетон тўсиқлар эса ҳокимликлар қошидаги ишчи гуруҳлар билан келишилган ҳолда ўрнатилганини маълум қилди, деб ёзади «Gazeta.uz».

«Тошкент шаҳри ва вилояти ҳокимларида чеклов чораларини кўриш учун қанча куч ва ресурслар кераклигини ўзлари белгилаш ваколати мавжуд. Комиссияда Соғлиқни сақлаш вазирлиги, ФВВ, Ички ишлар вазирлиги, Ёнғин хавфсизлиги ва бошқа ташкилот вакиллари бор — улар маҳаллаларга киришда ушбу бетон тўсиқларни қаерга қўйиш лозимлигини тавсия қилади. Ўт ўчирувчилар  ва тез ёрдамда махсус харита бўлиб, улар блокпостлар қаерга ўрнатилганини кўра олади. Бу оддий эмас, барчаси келишилган.

Шу сабабли улар қаердан киришни билади. Тирбандликлар юзага келса, жойида ҳал этилади», — дейди Шоҳрух Ғиёсов.

ИИВ вакили пойтахт бўйлаб нечта блокпост ва бетон тўсиқлар ўрнатилганига аниқлик киритмаган.

Эслатиб ўтамиз, Президент Шавкат Мирзиёев 15 июль, чоршанба куни Тошкент шаҳри ва Тошкент вилоятида пандемия билан боғлиқ вазият муҳокамасига бағишланган видеоселектор йиғилиши ўтказган ва унда дорихоналарда вирус ва иситмага қарши препаратлар нархи асоссиз, бир неча баробар ошириб юборилганини тандиқ қилганди.

Шунингдек, Президент Тошкент шаҳридаги вазиятни шармандалик деб атади ҳамда икки ҳудуд раҳбарларини танқид қилди. Коронавирусга қарши курашни самарали ташкил қилмагани учун соғлиқни сақлаш вазири Алишер Шодмонов ва Тошкент шаҳар ҳокими Жаҳонгир Ортиқхўжаевга ҳайфсан берди.

Изоҳ
Асосий янгиликлар
Маҳаллий
Нукус воқеалари бўйича уч нафар ҳуқуқни муҳофаза қилувчи орган ходими қамоққа олинди 
Дунё
G7 давлатлари Хитой, Шимолий Корея ва Эронга қарши санкциялар тайёрламоқда — Bloomberg
Маҳаллий
Ўзбекистоннинг январь ойидаги бюджет даромади очиқланди