Республикада коронавирусга чалинган беморларни даволаш жараёнида тиббиёт ходимларига нисбатан эҳтиёж туғилмаслиги учун ҳукумат барча имкониятларни ишга солган. Бу ҳақда 16 июль, пайшанба куни АОКАда бўлиб ўтган брифингда давлат бош санитария инспектори Нурмат Отабеков таъкидлаб ўтди, дея хабар бермоқда «Дарё» мухбири.
«Ўзбекистонда коронавирус касаллигини даволаш билан шуғулланадиган инфекционистлар, педиатрлар, реаниматологлар, пульмонологлар, беморларга ташхис қўювчи рентгенологларга доим эҳтиёж бор. Битта нарсани унутмаслигимиз керак, бу каби эҳтиёжлар бўлмаслиги учун ҳамма имкониятлар ишга солинган.
Тиббиёт ходимлари бригадаси бир смена ишлаб, яъни 14 кун ишлаб, иккинчи 14 кунлик давомида назоратда бўлган вақтда ўрнига бошқа шифокорларни қўйишда муаммо бўлиши мумкин.
Лекин ҳозир Ўзбекистонда бу каби танқислик умуман йўқ. Нафақат мавжуд мутахассислар, балки қисқа ўқув курсларидан ўтказиб қайтадан тайёрланган мутахассислар ҳисобига бу каби танқисликнинг олди олинмоқда ва бу ҳар доим эътибор марказидаги масала. Вазирлик, тегишли идоралар буни ўз назоратига олган. Шу боис айни пайтда республикада тиббиёт ходимлари етишмаётгани учун фаолиятини тўхтатган бирор-бир шифохона мавжуд эмас», — деди Санитария-эпидемиология назорати давлат инспекцияси бошлиғи Нурмат Отабеков.
Мавзуга доир:
- Нурмат Отабеков: «18 ва 25 июль — шанба кунлари шифокорларнинг ишга чиқиши ёки уйда қолиши уларнинг раҳбарига боғлиқ»
- Ўзбекистонда фуқароларнинг COVID-19 ҳақидаги саволларига жавоб берадиган Call-марказлар фаолият бошлади
- Ўзбекистонда хусусий клиникаларга ҳам COVID-19’га чалинган беморларни даволашга рухсат берилди
- Ўзбекистонда коронавирус туфайли вафот этаётганларнинг ўлимига қайси касалликлар сабаб бўлаётгани маълум қилинди
Изоҳ (0)