«Барселона» ҳужумчиси Лионель Месси Испания Ла Лигаси доирасида ўтказилган «Осасуна»га қарши баҳсда (1:2) ўз номига гол ёздириб қўйди.
Аргентиналик футболчи учун бу июль ойида (Ла Лигада) урилган биринчи гол бўлди.
Шу тариқа 33 ёшли форвард 12 календарь ойининг барчасида ҳам гол урган, ҳам голга ассистентлик қилган иккинчи футболчига айланди. Бунда олдин ушбу натижани «Реал» ҳужумчиси Карим Бензема қайд этганди.
Қайд этиш жоиз, Ла Лига учрашувлари коронавирус пандемияси туфайли узоқ вақтдан кейин илк маротаба ёз ойларида ўтказилмоқда.
Месси Испания чемпионатининг 2019/20 йилги мавсумида 32 учрашувда майдонга тушиб, 23 та гол ва 21 та голли узатмага муаллифлик қилди. Унинг клуб билан шартномаси келаси мавсумда ўз ниҳоясига етади.
Мавзуга доир:
Изоҳ (0)