«Барселона» клуби ҳужумчиси Лионель Месси Ла Лига 37-тури доирасида «Осасуна»га қарши кечган баҳсдаги (1:2) мағлубиятдан сўнг ўз фикрлари билан ўртоқлашди.
« «Рома», «Ливерпуль»... Мухлисларнинг сабри тугаяпти, чунки биз уларга ҳеч нарса бермаяпмиз.
Агар Чемпионлар Лигасида курашни давом эттиришни истасак, кўп нарса ўзгариши керак. Агар шу кетишда давом этсак, у ҳолда «Наполи»га ҳам ютқазамиз», — дейди Месси.
«Барселона» август ойида Европа Чемпионлар Лигаси 1/8 финал жавоб баҳси доирасида «Наполи» билан ўйнайди. Ушбу жамоаларнинг Неаполдаги илк тўқнашуви 1:1 ҳисоби билан якунланганди.
Эслатиб ўтамиз, «Барселона» Ла Лига 2019/20 йилги мавсуми чемпионлигини «Реал»га бой бериб қўйди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)