Бразилияда коронавирус билан касалланганлар сони 2 миллион кишидан ошди. Бу ҳақда мамлакат Соғлиқни сақлаш вазирлиги маълумотларига таяниб, АP хабар берди.
Маълумотларга кўра, Бразилияда коронавирус қурбонлари сони 76 минг кишидан ошган. Исмини ошкор қилишни истамаган экспертларнинг таъкидлашича, мамлакатда кунлик тестлар йўқлиги сабаб касаллар сони камайтириб кўрсатилмоқда. Тасдиқланган ўлимлар сонига асосланган моделга кўра, Бразилияда коронавирусга чалинганлар сони аслида 10 миллион кишидан ошган.
Бразилия президенти Жаир Болсонару аввалроқ пандемияни «каттароқ грипп» деб атаган ва COVID-19’га қарши кескин чоралар қўлланилишига қарши чиққанди. Июль ойларининг бошларида Бразилия президентининг ўзида коронавирус тасдиқланган эди.
Жонс Ҳопкинс университети маълумотларига кўра, бутун дунё бўйлаб коронавирусга чалинганлар сони 13,8 миллион кишидан, вирус қурбонлари сони эса 589 минг кишидан ошган. Ҳозирга қадар 7,7 миллион бемор соғайган.
Изоҳ (0)