Давлат тест маркази ахборот хизмати Ўзбекистонда ОТМларга кириш имтиҳонларида иштирок этиш учун рўйхатдан ўтган абитуриентлар сони 1 миллион нафардан ошганини хабар қилди.

Фото: «Дарё»

2020/2021-ўқув йили учун рўйхатдан ўтган абитуриентлар сони ҳақида маълумот (2020 йил 15 июль 18:00 ҳолатига кўра)

Жами рўйхатдан ўтган абитуриентлар сони 1 011 660 нафарни ташкил этмоқда.

Шундан, 2020 йилда ўрта таълимни тамомлаган битирувчилар — 438 486 нафар (43,34 фоиз).

Таълим шакли бўйича:

  • кундузги таълим шакли — 586 612 нафар;
  • сиртқи таълим шакли — 404 111 нафар;
  • кечки таълим шакли — 20 937 нафар.

Тиллар кесимида:

  • ўзбек тили — 888 519 нафар;
  • рус тили — 93 544 нафар;
  • қорақалпоқ тили — 27 420 нафар;
  • бошқа тиллар — 2 177 нафар.

Абитуриентлар томонидан энг кўп танланаётган ОТМлар:

  • Самарқанд давлат университети — 53 700 нафар;
  • Андижон давлат университети — 43 014 нафар;
  • Қарши давлат университети — 39 750 нафар;
  • Наманган давлат университети — 37 263 нафар;
  • Тошкент давлат педагогика университети — 36 665 нафар.

7 июлда ОТМларга кириш учун онлайн рўйхатдан ўтган абитуриентлар сони 500 минг нафардан ошгани хабар қилинган. Шунингдек, аввал Ўзбекистон ОТМларига кириш учун ижодий имтиҳонлар 1 августдан бошланиши, ОТМларда 2020 йилда 1-курс талабалари ўқишни октябрда бошлаши мумкинлиги, академик лицейларнинг саралаш имтиҳонлари номаълум муддатга қолдирилгани ҳақида ҳам хабарлар берилган.