Лондонлик саноат дизайнери Холли Граундс сувга тушганга соусга айланадиган лапша қадоғини яратди. Экологик қадоқнинг асосий масаллиқлари — крахмал, глицерин ва сув деб, хабар беради Dezeen.
Холли Граундс яқиндагина университетни тамомлаган. Кўплаб талабалар каби у ҳам мунтазам тезкор тайёрланувчи лапшалар билан овқатланиб келган. Талаба ҳар сафар овқат тайёрланган сўнг, ташлаб юбориладиган пластик идишлар ҳақида ўйлаган.
Граундс крахмал, глицерин ва сувдан фойдаланган ҳолда тажриба ўтказишга қарор қилган ҳамда уйининг ошхонасида истеъмол қилса бўладиган қадоқ яратган. Дизайнернинг сўзларига кўра, унга турли зираворларни, қуритилган креветкалар ва шунга ўхшаш бошқа нарсаларни ҳам қўшиш мумкин.
Қадоқ лапшанинг суви қочиши ва бузилишига йўл қўймайди, иссиқ сувга тушганида эса эриб кетади. Граундс ўзининг еса бўладиган ноухаусини мумланган қоғоз устига қўйишни тавсия қилади.
Қизнинг таъкидлашича, у яратган қадоқ бошқа маҳсулотлар учун ҳам қўл келади.
Аввалроқ болалар учун еса бўладиган қумни яратган аёл интернетда машҳур бўлиб кетгани тўғрисида хабар берилганди.
Мавзуга доир: Австриялик олимлар еса бўладиган робот яратди
Изоҳ (0)