Ҳиндистоннинг Рожастон штатида тиббиёт ходимлари вафот этганини айтган янги туғилган чақалоқ дафн этилаётган пайтда йиғлаб юборди, деб хабар берди Times of India.
Қайд этилишича, туғруқни қабул қилган ҳамшира қизчанинг ўлик туғилганини айтган. Шундан сўнг қизчани полиэтилен пакетга ўраб, дафн этиш учун онасига беришган.
Оила аъзолари дафн маросимига тайёргарлик кўраётган пайтда қизча кутилмаганда йиғлаб юборган.
Унинг отаси шу заҳотиёқ тез ёрдам чақирган. Бироқ шифокорлар бир ярим соат ўтгач етиб келган. Бу вақтда қизчанинг аҳволи оғирлашиб, у вафот этган.
Чақалоқнинг оиласи касалхона ходимларини совуққонликда айблаган. Тиббиёт ходимлари эса айбни бўйнига олмаган. Улар оилани боланинг ўлими расман қайд этилмасдан уни касалхонадан олиб кетганликда айблаган.
Изоҳ (0)