Италия аҳолисининг учдан икки қисми жорий ёз фаслида америкалик туристларнинг мамлакатга келишини истамаяпти. Бу ҳақда The Local нашри ижтимоий тадқиқот натижаларига таяниб хабар берди.
Шунингдек, сўровнома иштирокчиларининг 57 фоизи хитойлик саёҳатчиларни мамлакатда кўришни истамаётганини билдирган бўлса, британиялик туристларга қарши респондентларнинг 44 фоизи овоз берган.
Маълумотларга кўра, бу каби тенденция Франция, Испания, Германия, Дания, Норвегия ва Финляндияда ҳам кузатилган, экспертлар ушбу мамлакатлардаги ҳар минг киши орасида сўровнома ўтказган. Ҳар бир мамлакатда америкалик туристларга қарши чиққанлар сони аҳолининг 61-79 фоизини ташкил этган. Бундан ташқари, кўпчилик (57-77 фоиз) хитойлик меҳмонларга ҳам қарши.
Шу билан бирга, америкаликларнинг ўзи ҳам Европага боришга ошиқмаяпти. Америкалик респондентларнинг 17 фоизигина ёзги таътилни Италияда ўтказиш имкониятини кўриб чиқишга тайёр эканлигини билдирган. Франция, Испания ёки Германия борасида ҳам худди шу каби кўрсаткич қайд этилган.
Аввалроқ Испанияда коронавирус пандемияси вақтида саёҳат қилиш мумкин бўлган «ултрахавфсиз» ҳудуд пайдо бўлгани тўғрисида хабар берилганди.
Изоҳ (0)