Ҳинд киноси юлдузлари Амитабҳ ва Абҳишек Баччанлар коронавирусни юқтириб олди. Бу ҳақда ота-ўғил актёрлар Twitter’даги саҳифасида маълум қилган.
77 ёшли Амитабҳ ва 44 ёшли Абҳишекда касалликнинг енгил аломатлари кузатилган.
Амитабҳ Баччан «Қасос ва қонун», «Амар, Акбар, Антони», «Боғбон», «Гоҳи шодлик гоҳи ғам» каби ҳинд фильмлари, шунингдек, Голливуднинг «Буюк Гетсби» фильмидаги образи билан машҳур. У фаолияти давомида 200 дан ортиқ лойиҳаларда суратга тушган.
Абҳишек Баччан ҳам кино соҳасидаги фаолияти учун уч маротаба Фильмфаре мукофотини қўлга киритган. У отаси билан «Ҳеч қачон алвидо дема» фильмида иштирок этган.
Изоҳ (0)