Ота-онаси билан бир фильмда суратга тушган Болливуд юлдузлари

Болливудда ота касбини танлаган актёр ва актрисалар йўқ эмас, лекин уларнинг ҳаммаси ҳам ота-онаси билан бирга суратга тушиш бахтига муяссар бўлмаган.

Анил ва Сонам Капур

2019 йили экран юзини кўрган «Бу қизни кўрганимда нимани ҳис қилдим?» фильмида Сонам Капур, отаси Анил билан бирга роль ижро қилган. Ота-боланинг илиқ муносабатлари фильмда ҳам акс этган. Ражкумар Рао, Жухи Чавла ва бошқа бир қанча машҳурлар роль ижро қилган ушбу фильм ҳақида гап кетганда Сонам Капур, суратга олиш жараёни унга уйини эслатганини таъкидлайди.

Сони Раздан ва Алия Бхатт

«Фитна» криминал драмасида бош қаҳрамон ролини ижро қилган Алия Бхатт, фильмда онаси Сони Раздан билан бирга суратга тушган.

Амитабх Баччан ва Абхишек Баччан

Юлдузли жуфтлик Амитабх ва Жая Баччанларнинг фарзанди Абхишек, отаси билан бир неча марта биргаликда суратга тушган. «Банти ва Бабли», «Ҳеч қачон алвидо деманг», шунингдек, «Ота изидан» фильмлари шулар жумласидан.

Сунил Датт ва Санжай Датт

Санжай, таниқли ҳинд ижодкорлари Наргис ва Сунил Даттларнинг оиласида дунёга келган. Ота бола «Муннабой» ҳамда «Роки ва Кшатри» фильмида биргаликда суратга тушиш бахтига муяссар бўлган.

Дхамендра, Санни, Бобби ва Эша Диол

Ака-ука Санни ва Бобби Деол бир неча марта бирга, отаси Дхамендра билан «Туғишганлар» ҳамда «Савдойи оила» фильмида суратга тушган. Дхамендра, иккинчи турмушидан бўлган фарзанди Эша Деол билан 2011 йилда «Тангри менга айт» фильмида бирга роль ижро қилган.

Ранбир Капур ва Риши Капур, Ниту Сингх

Болливуд юлдузлари марҳум Риши Капур ва Ниту Сингх ўғли Ранбир билан биргаликда «Номуссиз» фильмида суратга тушган.

Шахид Капур ва Панкаж Капур

2015 йилда экран юзини кўрган «Ажойиб севишганлар» фильмида ота-бола Капурлар биргаликда суратга тушган.

Акшай Кҳанна ва Винод Кҳанна

Акшай Кҳанна ўзининг дебют «Ҳимолай жангчилари» фильмида отаси Винод Кҳанна билан бирга роль ижро қилган. Акшай интервьюлардан бирида, суратга тушиш давомида у отасининг қў​ллаб-қувватлашини ҳис қилганини таъкидлаган. 15 йилдан кейин ота-бола актёрлар яна бир бор «Ўйинчилар» фильмида суратга тушган.