Футбол бўйича Англия Премьер Лигасининг 35-турида «Манчестер Сити» 11 июль, шанба куни «Брайтон» майдонига сафар қилди.
Учрашувнинг 21-дақиқасида Раҳим Стерлинг меҳмонларни ҳисобда олдинга олиб чиққан бўлса, бўлим якунида Габриэль Жезус «шаҳарликлар»нинг иккинчи голини урди.
Танаффусдан сўнг «Манчестер Сити» яна учта тўп киритишга муваффақ бўлди. Стерлинг яна иккита гол уриб, ҳет-трик қайд этган бўлса, Бернарду Сильва ҳам ўз ҳисобига гол ёзидириб қўйди.
«Манчестер Сити» Премьер Лига мусобақа жадвалида иккинчи поғонани эгаллаб турибди. Пеп Гвардиола шогирдлари ҳисобида 72 очко бор. «Брайтон» (36) эса 15-поғонага жойлашган.
АПЛ
35-тур баҳси
11 июль, шанба
«Брайтон» — «Манчестер Сити» 0:5
Голлар: 0:1 – 21 Стерлинг, 0:2 – 44 Габриэль Жезус, 0:3 – 53 Стерлинг, 0:4 – 56 Бернарду Сильва, 0:5 – 81 Стерлинг.«Брайтон»: Райан, Данк, Бернардо, Монтойя (Лэмпти, 59), Уэбстер, Биссума, Гросс (Бёрн, 78), Муй, Проппер (Стивенс, 59), Троссард (Жаҳонбахш, 70), Коннолли (Мопе, 59).
«Манчестер Сити»: Эдерсон, Менди (Зинченко, 64), Уокер, Эрик Гарсия (Стоунз, 72), Ляпорт, Бернарду Сильва, Родри Эрнандес (Фернандиньо, 72), Стерлинг, де Брюйне (Сильва, 64), Маҳрез, Габриэль Жезус (Фоден, 63).
Огоҳлантиришлар: Биссума (83).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)