Футбол бўйича Англия чемпионатининг 35-турида «Челси» 11 июль, шанба куни «Шеффилд Юнайтед» меҳмони бўлди.
Учрашувнинг 18-дақиқасида Дэвид Макголдрик майдон эгаларини ҳисобда олдинга олиб чиқди. Орадан беш дақиқа ўтиб Оливер Макберни орадаги фарқни оширди.
Иккинчи бўлимда шеффилдликлар яна бир марта рақиб дарвозасини ишғол қилишга муваффақ бўлди: 77-дақиқада Макголдрик дублни расмийлаштириб, ҳисобни йирик кўринишга олиб келди.
Ушбу ғалабадан сўнг «Шеффилд Юнайтед» очколарини 54 тага етказиб олди ва 6-ўринга кўтарилди. «Челси» (60) ҳозирча 3-поғонада қолмоқда, бироқ «Лестер» ва «Манчестер Юнайтед» ушбу турда ғалабага эришадиган бўлса, лондонликлар 5-ўринга тушиб кетади.
АПЛ
35-тур баҳси
11 июль, шанба
«Шеффилд Юнайтед» — «Челси» 3:0
Голлар: 1:0 – 18 Макголдрик, 2:0 – 33 Макберни, 3:0 – 77 Макголдрик.«Шеффилд Юнайтед»: Ҳендерсон, Стивенс, Иган, Башем (Жагелка, 68), Болдок, Берге (Ландстрем, 63), Норвуд, Осборн, О`Коннелл, Макберни (Муссе, 63), Макголдрик.
«Челси»: Аррисабалага, Аспиликуэта, Зума, Жеймс (Ҳадсон-Одои, 75), Кристенсен (Рюдигер, 46), Баркли (Лофтус-Чик, 78), Жоржиньо, Пулишич (Жиру, 66), Маунт (Алонсо, 46), Виллиан, Абраҳам.
Огоҳлантириш: Болдок (3).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)