АОКАда 9 июль, пайшанба куни Республика махсус комиссиясининг карантин чораларини кучайтириш борасидаги қарори юзасидан бўлиб ўтган брифингда Ички ишлар вазирлиги Йўл ҳаракати хавфсизлиги бошқармаси бошлиғи, полковник Олим Саидов Тошкент вилоятидан Тошкент шаҳрига кимлар иши юзасидан ўз шахсий автомашинасида кириб-чиқишига рухсат этилиши юзасидан изоҳ берди.
Қарорда кўрсатиб ўтилганидек, Қорақалпоғистон Республикаси, вилоятлар ва Тошкент шаҳрига автотранспорт воситаларининг кириши ва чиқиши тўхтатилади. Тошкент шаҳридан Тошкент вилоятига ҳамда Тошкент вилоятидан Тошкент шаҳрига кириб-чиқиш бундан мустасно.Автотранспорт воситалари ҳаракатларига махсус рухсатномалар талаб этилмайдиган ҳолатлар рўйхати бор. Ушбу рўйхатда бир қатор корхона, ташкилотлар кўрсатилган. Ўша корхона ташкилотларнинг ходимлари Тошкент вилоятидан Тошкент шаҳрига кириб келишига ҳеч қандай чеклов бўлмайди. Фақатгина ходимлар рўйхатда кўрсатилган ташкилотларда фаолият кўрсатаётганлиги тўғрисидаги ҳужжат асосида ҳаракатланади. Яъни вазирликлар, қўмиталар, агентликлар ва бошқа давлат органларида ишламайдиган фуқаро Тошкент вилоятидан Тошкент шаҳрига кириб кела олмайди. Фақатгина рўйхатда кўрсатилган ташкилотларнинг ходимлари ўзларининг шахсий автомобилида кириб келади. Ўшанда ҳам, бу берилган ҳуқуқни суиистеъмол қилмаган ва карантин маданиятига риоя этган ҳолда кириб келинади.
Йўл ҳаракати хавфсизлиги ходимлари ҳар бир транспорт воситасини визуал кўздан кечириб, автотранспорт йўналиши ва аниқ манзили юзасидан тушунтириш сўраши мумкин, деб кўрсатиб ўтилди. Яъни бу қишлоқ хўжалиги маҳсулотлари юк автомашиналари ҳаракатланганда йўл ҳаракати хавфсизлиги ходимлари автотранспорт воситасини тўхтатиб, тушунтириш олишга ҳақли.
Олим Саидов, Ички ишлар вазирлиги Йўл ҳаракати хавфсизлиги бошқармаси бошлиғи
Изоҳ (0)